Palau tipla clpor: 000%971929pxH 1.arg52 t emo.P Z160aj
|
|
| hesło Rainbow’s End | |
| zakładne daty: | |
| swójske mjeno | Belu’uera Belau Republic of Palau |
| stolica | Melekeok |
| přestrjeń | 459 km² |
| wobydlerstwo | 21.265 (2015)[1] |
| hustosć | 46,3 wob./km² |
| forma knježerstwa | republika |
| hłowa stata a šef knježerstwa | prezident Tommy Remengesau |
| měna | US-dollar |
| hamtska rěč | palaušćina a jendźelšćina |
| hymna | Belau loba klisiich er a kelulul |
| časowe pasmo | UTC+9 |
| njewotwisnosć | 1. oktobra 1994 wot Zjednoćenych statow |
| Top Level Domain | .pw |
| telefon | +680 |
| awtowa značka | PAL |
| Połoženje Palauwa na zemi | |
  | |
Palau (palausce Belau) je kupowy stat w zapadnym Ćichim oceanje, kotryž je z lěta 1994 njewotwisny. Leži sewjernje kupy Nowa Gineja a wuchodnje Filipinow a słuša k Mikroneziji. Wobsteji z Palauskich kupow, kiž słušeja k Zapadnym Karolinam a z někotrych wotležanych kupow na juhozapadźe. Cyłkownje 356 kupow, wot kotrychž su jenož jědnaće wobsydlene, słušeja k šěsć skupinam. Stolica je wot lěta 2006 Melekeok na najwjetšej kupje Babelthuap, mjeztym zo wostanje stare hłowne město Koror z 12.000 wobydlerjemi najwažniše hospodarske srjedźišćo.
Na kupach knježi włóžna, tropiska klima z přerěznej temperaturu wot 27° C.
Stawizny[wobdźěłać | žórłowy tekst wobdźěłać]
Wot 1574 słušeše Palau k Španiskej. Po poražce w Španisko-ameriskej wójnje lěta 1899 předachu Španičenjo kupy Němskemu kejžorstwu. Tak słušachu hač do lěta 1914 k němskej koloniji Němska Nowa Gineja. W Prěnjej swětowej wójnje wobsadźi Japanska Palau a zarjadowaše je hač do Druheje swětoweje wójny. Po wójnje stejachu pod zarjadnistwom Zjednoćenych statow. W lěće 1978 rozsudźichu so wobydlerjo přećiwo přizamknjenju k Mikroneziskej a hłosowachu za njewotwisnosć. Po dołhej přechodnej dobje sta so Palau dnja 1. oktobra 1994 z njewotwisnym statom a w decembrje z čłonom Zjednoćenych narodow.
Žórła[wobdźěłać | žórłowy tekst wobdźěłać]
- ↑ CIA World Factbook: Trochowanje za 2015
Wotkazaj[wobdźěłać | žórłowy tekst wobdźěłać]
Commons: Palau – Zběrka wobrazow, widejow a awdiodatajow- Oficielna webstrona knježerstwa
| ||||||||
