Ouceano Ártico i 2w Jc Ff2CcYyYWl Kk
L Ouceano Ártico (br.) ó Ouceano Ártico (t.) stende-se subre l Ártico, la region setentrional de l globo, la qual ye cubierta an grande parte pula banquisa: 13 milhones de kn². Ls grandes fondos (la más de quatro quilómetros de perfundidade) forman dues bacies apartadas por ua lhonga crista submarina, la cadeia de Lhomonossob, que se prolonga de la ilha de Nobaia Zembla até la Tierra de Eillesmere. Las cuostas scandinabas i russas son precedidas por ua ancha plataforma cuntinental, bien más streita delantre de la América de l Norte.
Anque cientificamente ser cunsiderado un de l cinco ouceanos de la Tierra, tamien ye chamado de Mar Glacial Ártico.
La borda de l Ouceano Glacial Ártico stá repartida antre dibersos mares secundários, apartados por arquipélagos costeiros; de la Scandinábia a la Rússia i a la América de l Norte suceden-se: l Mar de Barents, l Mar de Kara, l Mar de Lhateb, l Mar de la Sibéria Ouriental, l Mar de Chukchi, l Mar de Beaufort i l Mar de Lhincoln, al norte de la América. Lhemitado por soleira de pequeinha perfundidade, l Ouceano glacial Ártico rializa pouquíssimas trocas cun las augas de l outros ouceanos. Sob la banquisa, la massa de auga frie (0°C) ye pouco salgada (menos de 30).
La banquisa, cuja superfície caótica se debe als mobimentos que la animan, ten ua spessura de dous a quatro metros; ye afetada por ua deriba, de la ilha de Wrangel até l pólo Norte i l arquipélago de Sbalbard. Ls lhemites de la banquisa, bariables de acordo cun las staçones, permiten, ne l berano, ua cierta circulaçon marítima de l Mar de Barents al cabo Tcheliuskin, la outras cuostas stan cercadas de acerca puls carambelos.
Tabela de cuntenido
- 1 Clima
- 2 Geografie
- 3 Ambiente
- 4 Degelo
- 5 Ber tamien
Clima[eiditar | eiditar código-fuonte]
L ouceano stá situado na zona de clima polar, an que las temperaturas mínimas puoden çcer ambaixo de -50 °C, eisistindo friu permanente i pouca bariabilidade sazonal. Ls Ambiernos son caratelizados por scuridon cuntínua i cundiçones stabais cun cielo lhimpo; ls Berones pul Sol de la meia nuite, cielo nubrado i ciclones cun niebe ó chuba, ambora de fraca antensidade.
La temperatura de la superfície de l Ouceano Ártico ye praticamente custante, próssima de l punto de cungelaçon de la auga de l mar, pouco superior a 0°C. Ne l Ambierno l mar eiserce ua anfluéncia moderadora, mesmo que cubierto por carambelo (na forma de banquisa), pul que ne l Ártico nunca se berifican ls stremos de temperatura que ocorren na Antártica.
Geografie[eiditar | eiditar código-fuonte]
La Geografie disse ouceano ye de strema solidon, cun numerosos icebergs, que son auga cungelada a la deriba i que nun son cumo la Antártica ó la Groenlándia que son carambelo de tierra firme. Tal cumo na Antártica la nuite ye bien scura i frie, i chega als -75 °C. Ocorre l fenómeno de aurora boreal (que na Antártica ye zeignada por aurora austral).
Ambiente[eiditar | eiditar código-fuonte]
Cheno de carambelo i niebe, solo alguas oucas, patrielhaes, briófitas i fungos subrebiben. Antre ls animales ancontran-se l urso-polar, focas, lhiones-marinos, raposas-de l-ártico, liebre-ártica, krill i alguns peixes i baleias.
Degelo[eiditar | eiditar código-fuonte]
L degelo de l Ártico ye principalmente causado pul eifeito de stufa i l calecimento global, que juntos probocan l çcongelamento rápido de bastas reserbas de auga doce.
An Setembre de 2007 ye registado, pul satélite de la ESA, l ENBISAT, l maior degelo de l Ouceano Ártico[1], abrindo a la nabegaçon la Passaige de l Noroeste.
Ber tamien[eiditar | eiditar código-fuonte]
- Antártica
- Pólo Norte
Modelo:Ouceanos Modelo:Regiones de l mundo