EscuridatC
A escuridat (pronunciau /eskuɾi'da/, como "escuridá"; d'o latín <OBSCURITAS, -TATIS) ye l'ausencia de luz. Popularment recibe tamién belatros nombres, como «a fusca», «a fosca» u «lo fosco», que s'emplega en un rechistro mas coloquial y no actúan como sinonimos plenos de o semicultismo escuridat.
Anque a parola fusca/fosca no ye plenament equiparable con escuridat, pus o rechistro y o contexto en os quals se fa servir son diferents, si que son equiparables os suyos adchectivos derivaus: «fusco/fosco» puede estar un sinonimo pleno d'«escuro».
Encara que fisicament ye imposible que se de una escuridat absoluta, pus todas as moleculas a temperatura diferent de cero absoluto presentan mimbracions y emiten ondas electromagneticas que pueden trobar-se en o espectro luminoso, a vista humana y a d'a mayoría d'animals ye insensible a ixas cantidatz tan minsas de luz, por o que l'efecto que tiene una ausencia marcada de luz ye igual que si no en i hese en absoluto.
A respuesta emocional que os sers humanos experimentamos en ausencia de luz, como animals diurnos que somos, ha inspirau muitas metaforas en literatura y en as artes. O miedo a la escuridat se diz escotofobia u nictofobia.
Se veiga tamién[editar | editar código]
- Luz.
- Uembra.
- Mosquera.
Vinclos externos[editar | editar código]
Se veigan as imáchens de Commons sobre a escuridat.
Se veigan as imáchens de Commons sobre a escuridat.