Craa-hallooin as tsunami Tōhoku 2011DT h GCa
| |
| Eiyrtyssyn y chraa-hallooin er nyn daishbyney er caslys-çheerey | |
| Date | 14:46:23, 11 Mayrnt 2011 (UTC +09:00) |
|---|---|
| Mayrnaght | 5 minnidyn[1] |
| Mooadys | 8.8-9.1 MW[2][3] |
| Diunid | 24.4 km |
| Soiaghey yn çheshvean | 38°19′19″N 142°22′08″E / 38.322°N 142.369°ECo-ordnaidyn: 38°19′19″N 142°22′08″E / 38.322°N 142.369°E |
| Sorçh | Craa-hallooin mooar-heiyagh |
| Çheeraghyn ny ardjyn bwoaillit | Y Çhapaan (bun) Oir y Cheayn Sheealtagh (tsunami) |
| Slane jeeill | Thooillaghyn as jeeill vooar elley |
| Bieauaghey thallooin mullee | 0.35g |
| Tsunami | Va |
| Skyrrey thallooin | Va |
| Aa-woallaghyn | 192 er y chooid sloo (23 ny smoo na 6.0 MW) |
| Guintee | 5,692 merriu, 2,409 guintee, 9,522 deiney ass eanish |
By chraa-hallooin mooar-heiyagh eh Craa-hallooin as tsunami Tōhoku 2011 (東北地方太平洋沖地震 Tōhoku Chihō Taiheiyō-oki Jishin[4]?, ny "Craa-hallooin Ard Tōhoku mooie 'sy Cheayn Sheealtagh"). Haghyr yn craa-hallooin magh veih coose hiar hwoaie y Çhapaan ec 05:46 UTC (traa ynnydagh 14:46 JST) er 11 Mayrnt 2011. By chraa-hallooin va eddyr 8.9 as 9.1 MW er mooadys v'ayn.[2][5] Va'n çheshvean echey soit 130 km magh veih coose hiar Lieh-innys Oshika, Tōhoku, as y fo-vean soit 24.4 km sheese er diunid veih'n thalloo.[6][7]
Ren y craa-hallooin tilgey raaueyn tsunami as folmaghyn veih coose Sheealtagh y Çhapaan as ayns 20 çheeraghyn er y chooid sloo, goaill stiagh y slane choose Sheealtagh jeh America Yiass as America Hwoaie. Ren y craa-hallooin tilgey tonnyn tsunami 10 m er yrjid ren cur stiagh er y Çhapaan, as lesh tonnyn ny s'inshley ayns ram çheeraghyn elley. Ta recortyssyn ayn dy ren ny tonnyn goll 10 km stiagh er y çheer 'sy Çhapaan.
Rere Jantys Poleenyn Ashoonagh y Çhapaan hooar 5,692 deiney baase. Myrane lesh shen ta 2,409 guintee as ta 9,522 ghooinney ass eanish ayns shey meoiraghtyn jeig, agh foddee bee ny h-earrooyn shen ny s'yrjey. Ren y craa-hallooin jeeilley raaidyn, raaidyn yiarn, aileyn, as tuittym doour. Myrane lesh shen ve jeeill lheeadagh jeant ayns stashoon lectraghys çheshveanagh tra va daa rasseeagh çheshveanagh lieh-lheit sheese. Va bleaystey ayns Stashoon Bree Çheshveanagh Fukushima I begnagh 24 ooryn lurg y chraa-hallooin bunneydagh. Ga dy ren y bleastey cur lesh tuittym y thie cummal concraidagh mooie, cha row neuloghtynid y chummeydane cummal y chree sthie currit ayns gaue.
Imraaghyn[reagh | edit source]
- ↑ NBC Nightly News (11 Mar. 2011)
- ↑ 2.0 2.1 Reilly, Michael (11 Mayrnt 2011 17:22 GMT). "Japan's quake updated to magnitude 9.0". New Scientist..
- ↑ http://www.bbc.co.uk/news/world-asia-pacific-12720489
- ↑ 気象庁 Japan Meteorological Agency. 平成23年3月11日14時46分頃の三陸沖の地震について（第２報） 気象庁 | 平成２３年報道発表資料 (Shapaanish). JMA. Feddynit er 11 Mayrnt 2011.
- ↑ Tsunami warning center raises magnitude of Japan quake to 9.1. Honolulu Star-Advertiser. Feddynit er 11 Mayrnt 2011.
- ↑ "Séisme et tsunami dévastateurs: plus de 1000 morts et disparus au Japon" (ayns Frangish) (11 March 2011). Feddynit magh er 12 March 2011.
- ↑ "Tsunami hits north-eastern Japan after massive quake", BBC News (11 March 2011). Feddynit magh er 11 March 2011.
