Volcas1o
 Nesta páhina se gasta una ortografia destinta a la que normalmenti se gasta ena Güiquipeya. |
Los volcas (latín Volcae) juerun una confederación de puebrus certas proceentis de la zona el Danubiu que más tardi juerun espulsáus de la zona y juerun pa la Galia.
Son almientáus pol primel veði nel añu 69 A.C pol Cicerón en Pro Fonteio unta los Allogroges.
Titu Liviu los almienta tamién en Ab Urbe Condita en relación con Anibal, que los atopó enas malgin del ríu Ródanu.
Hannibal ceteris metu aut pretio pacatis iam in Volcarum peruenerat agrum, gentis ualidae. Colunt autem circa utramque ripam Rhodani
Juliu Césal, citandu a Eratóstinis, assitia a los volcas tectósagis nel Bosqui Hercínicu y se suponi que vínin de la Galia Narbonensi.
Los volcas que vivían nel Bosqui Hercínicu estaban en contactu con puebrus germánicus. L'etnónimu los volcas se tolnó ena denominación de tolos puebrus certas enas luengas germánicas (Walh), denominación qu'aluspués s'apricó a los certas romaniðáus y a los puebrus que palraban luengas romancis.
Historia[eital | eital coigu]
Angunus historiaoris afirman que los volcas y los tectósagis (que Césal almienta pol separáu) juerun originalmenti tribus desapartás. Sedrían unu los nuevus grupus étnicus jolmáus mentris acontecía la espansión melital cértica d'el sigru III A.C.