Osotys piliskolns L ry:onsn
| Osotys piliskolns | |
|---|---|
 | |
  |
|
| Koordinatys: 56°29′34″N 25°55′8″E / Koordinatys: 56°29′34″N 25°55′8″E / | |
| Augstums | 106 m vjl |
| Byusmis vīta | Krystapiļs nūvods, Latveja |
| Cytys pasaukys | Asuote |
Osotys piliskolns — senejs latgaļu piliskolns Krystapiļs nūvoda Kūku pogostā, sūpluok nazkodejuos Osotys[1] muižys vītys, 4 km augš Jākubmīsta. Pasaceļ Daugovys lobajā molā, morenu augstainis golā. Nazkodejuos latgaļu zemis Osotys administrativais centris. Samiereigais augstums (augšuok apleicīnis) – 10 m.
Aproksts[pataiseit | labot pirmkodu]
Piliskolns - morenu kauprys, paaugstynuots par 10 metrim. Pūstumu, reitu i dīnavydu pusis pīkaļnis aptak Duorzupeite (seņuok Lagzde). Piliskolna laukums ovals, 67,5 x 55 m. Vokoru pusē 2 m augsta vale, iz kura izkosts gruovs.[2] Pūstumreitu i dīnavydu pusē ap 1,5 dekteru pluotā bejuse dzeivojamuo vīta, vokoru pusē - kopuvīta.
Viesture[pataiseit | labot pirmkodu]
Apdzeivuots nu 1 godu tyukstūšys pyrma Krystus da 13 godusymtam.[3] Latgaļu apdzeivuotuo Osotys piļsnūvoda administrativais i militariskais centris, kurs beja pavaļdeigs Gersikys kieneņam. Piliskolnā bejušuo piļs pīmynāta 1211 i 1225 godā. Pīdariejuse Reigys veiskupam. 1211 godā Osotys piļsnūvods daškierts Livonejis veiskupejai. 1237 godā Reigys veiskups natuoli nu Osotys pastateja Krysta pili (vuocīšu: Kreutzburg), nu tuo laika Osotys piliskolns sovu ītaku pagaisynoj. 1511 godā jau pīmynāts Krystapiļs mīsts.
Nūruodis i olūti[pataiseit | labot pirmkodu]
- ↑ Военно-топографическая карта Российской Империи 1846-1863 гг., созданная под руководством Ф.Ф. Шуберта и П.А. Тучкова. Ряд: IX, лист: 5
- ↑ http://www.krustpils.lv/faili/ter_plan/Paskaidrojuma_raksts_vides_parskats.pdf
- ↑ http://www.krustpils.lv/faili/ter_plan/Paskaidrojuma_raksts_vides_parskats.pdf