Goudallier, Léon (1873-1951) l'est né au 14 ed marche 1873 à Hangé-su-Sonme pi l'est défuncté au 14 ed jinvié 1951 à La Richardais ( Bertanne ). Il o écrit des teskes in picard.
Il o té maire ed Plainville ( Oèse ).
In 1933, il va vivre à La Richardais ( Bertanne ) dousque sont ses infants.
Éstrait d' chés Sonnets Picards[éditer | modifier ech wikicode]
sonnet liméro 74 = Ch'boquillon (19 ed marche 1914)
- Vlo ch'boquillon parti dins ch'bos;
- Il est si fort que de ch'village
- O l'einteind buquer tout là-bos,
- Comm' si ch'étoait des keups d'orage.
- L'ein pa d'ssus l'eute i rue ein bos
- Tout's sort's d'ab's qu'il éro l'ouvrage
- D'décoésir, d'soéyer, d'mette ein tos
- Bien réglés, tout prêts pour ch'carriage.
- A s'n idé' pis à tous momeints,
- L'mort abot parell'meint chés geins
- Mais sul'meint qu'o l'einteinch'foaire.
- Ein'foés fachonnés par ses mains,
- Chés jon's comm' chés viux n'sont pus boins
- Qu'à t'êt' carriés à l'chimeintière.
Notes[éditer | modifier ech wikicode]
- http://www.idref.fr/026898063
- Léon Goudallier, Sonnets Picards, Publications du centre d'études picardes, liméro VIII, préf. pèr René Debrie, Univarsité éd Picardie, Anmien (1979)
- L. Goudallier, Joies et peines de naguère dans un village picard, Éklitra , (ISBN 978-2857060161), (1988)